ايران جي سپريم ليڊر آيت الله علي خامنائي جو چوڻ آهي ته اسرائيل جنگ شروع ڪئي آهي، ختم اسان ڪنداسين تهران ۾ عوام کي خطاب ڪندي ايران جي سپريم ليڊر آيت الله علي خامنائي جو چوڻ آهي ته ايران جون هٿياربند فوجون اسرائيلي اڳرائي جو منهن ٽوڙ جواب ڏينديون. سندس چوڻ هو ته يهودي رياست کي پنهنجي ڏوهن جو نتيجو ڀوڳڻو پوندو. آيت الله علي خامنائي چيو ته اسرائيل سزا کان ڪڏهن به نه بچي سگهندو، هاڻ ايراني فوج اسرائيل کي مفلوج ڪري دم پٽيندي.