ايراني هٿياربند فوج جي چيف آف جنرل اسٽاف ميجر جنرل سيد عبدالرحيم موسوي اسرائيل خلاف وڏي آپريشن جي اڳڪٿي ڪندي اسرائيلي عوام کي فوري طور تل ابيب ۽ حيفا ڇڏڻ جي وارننگ ڏئي ڇڏي آهي. پنهنجي وڊيو پيغام ۾ ميجر جنرل سيد عبدالرحيم موسوي چيو ته ايران پاران هيل تائين ڪيل ڪارروائي صرف هڪ وارننگ هئي، حقيقي ۽ فيصلائتي ڪارروائي اڃا تائين باقي آهي، جيڪا جلد ڪئي ويندي. هن اسرائيلي شهرين کي خبردار ڪندي چيو ته هو پنهنجيون جانيون بچائڻ لاءِ فوري طور تي حيفا ۽ تل ابيب شهر خالي ڪن، ڇاڪاڻ ته جلد ئي انهن علائقن ۾ وڏيون ڪارروائيون ڪيون وينديون. ميجر جنرل موسوي زور ڏنو ته ايراني قوم، هٿياربند فوج جي اڳواڻي ۾، ضرور شهيدن جي خون جو بدلو وٺندي ۽ اسرائيل کي ان جي ڏوهن جي سزا ڏني ويندي.